|
| 好耐好耐無上Xanga 啦...好多野想打但又無時間, 今晚終於等到夜深人靜, 小B又訓左覺先打到...好想念一個人的時候, 想點就點!!! 我呢幾個月有好多感慨, 有好多啟發...做左Annabelle媽咪之後, 自我責任感重左好多, 很多壞習慣以前不以為然, 但現在覺得真的要改掉, 唔想個女第時學左我d衰野... 例如我無手尾, 成日攪到間屋好亂...我好想執, 但礙於唔夠儲物空間, 到我有自己屋企時(我仲同亞媽住) 一定會執得好一點....真係唔想個女好似我咁.... 我成日講野唔經大腦, 我呢排又得罪左好多人, 自己之後先知......唉!!真係由細到大都無改善過的問題, 我好想改左佢, 唔想個女同我一樣咁無用腦...呢樣野係我覺得自己性格一大缺憾, 真係好難改, 但為左個女我一定要做到.... 我做野太衝動了.....有好多野做左係改唔返.....同上, 人的關係破壞左係好難先會修補到.... 我好大洗....我真係十級唔希望個女似我呢樣野, 價值觀呢樣野好虛無縹緲呢....但真係好重要!!我都要諗下呢樣野點教個女...連我自己都唔知!!! >_< 數下數下...自己真係好唔掂....有n樣野唔好, 講真可能我仲未夠mature 做人媽咪...但我會比心機做好媽咪呢個角色!!見到Annabelle 一日一日長大, 我就好想佢完成我未完成的事, 對佢期望越來越高...希望佢大個明白啦.... 最後...我想講, 好愛我媽咪and 爸爸!!因為我同媽咪講唔好比Annabelle 咁近睇電視 ( 我媽湊Annabelle), 我好記得我爸媽以前都同我講過呢句說話, 但我當耳邊風, 嫌佢地煩....依家先知佢地都係為我好!! 老公應該9月會返黎香港開新公司....希望快點有屬於我地的劉宅...(最好梗係豪宅啦....哈哈!!) | | |
| 死亡原來可以這樣近! 今日我接了老公的電話, 說冬兒 ( 我的哥基犬 ) 入了狗醫院, 開刀拎了8隻小狗出來...本來是好事, 但因昨晚牠作動時無人發現, 以致牠難產了!! 8隻小狗都救不到, 但幸好冬兒沒有生命危險, 感謝上天保佑!! 冬兒是我在03年11月和我老公 (以前還是男朋友) 在銅鑼灣買的, 當時我差不多天天都去寵物店觀察, 一個月多才決定買牠...牠很懂逗人歡喜的, 寵物店裡的狗一見人入店都會亂吠, 但牠不會, 見到我好像認得我似的....後來接了牠回家後, 雖然大小二便總教不識, 我家人還叫牠屎冬!!但我們一定都很錫牠, 因為牠很醒目!! 到08年2月, 因為我們要搬家到東涌不能養狗, 冬兒跟了我老公回大陸養, 和老公的另一隻哥基Bingo在一起...我們希望牠們會有小狗, 但要先有計劃, 所以都是分開養, 偶爾一起玩耍!!!到上兩月之前, 我老公因為工作繁忙, 交托了朋友養牠們, 雖然朋友都有養狗經驗, 但他沒有分開牠們養, 以致冬兒受孕了太多小狗, 便發生這悲劇!真希望有一天我有自己的家, 有地方有能力帶牠們回來香港養... 希望上天看顧這 8隻小狗...安息!! | | |
| 首先我要道歉!!對唔住肥熹, 三吹, 韓松, 柏芝...等FRIEND, 因為3 APR 我第一次甩底, 無黎睇你地個DRAMA, 有左小B 之後真係唔係話行就行, 希望你地體諒同原諒!!我一定會比返錢你地架~! 呢排越來越覺得自己同同齡的年青人好有隔膜, 好似答唔o岩線咁...唔知係不嬲自己d 人緣差定係自己去左另一個階段呢?? 下星期一會見到以前讀書攪活動的朋友, 真係成4-5年無見了, 大家都好期待見到我bb, 可能大家都好奇一個同年齡的朋友已經走快左一步, 有家庭,有小朋友...我都有點緊張...好驚又會有隔膜!! 其實, 我都唔算有家庭, 因為我唔係一家三口一齊住, 我同我老公一星期先見幾個鐘, 我好多時要返工就無家庭樂~...好想好想快D改變現狀!!!幾時可以?? 路一直都在..... | | |
| 努力掙。。。仲可以掙到幾時?? 路﹐已經開始走了。。。停下來實太難﹗﹗更不用說返轉頭﹗ 望著我的心肝﹐好慚愧~~ | | |
| 話咁快就3月中了....Annabelle 14/3 就4個月大了!!時間都過得幾快... 返左工都2個月啦, 都已經習慣返工的生活!只係有點唔開心仲係咁肥...貪靚的我一定唔會容許自己肥咁耐...真的要努力減肥啦!!!! Annabelle 真的可愛到不得了, 以前都唔係咁有愛心的, 見到自己個女真係時時刻刻都想錫下佢!佢一起身就會望住我笑, 又成日發出d 怪聲, 真係好得意!!!見到個女越黎越大, 就覺得佢同我一樣都係少左George o係我地身邊!暫時小B 仲未識, 但佢依家開始認人, 見到daddy 都會喊, 唔認得佢lo!!我見到咁都有d 心酸, 真係唔知幾時可以一家團聚呢??  小b 依家好有sense 望鏡頭....果然係我個女lo!!
| | |
|
